Zan Ƙarasa Rayuwata A Daura Idan Na Bar Mulki – Buhari

Ibrahim Ammani

Rahotannin dake shigo mana daga birnin tarayya Abuja na bayyana cewar mai girma Shugaban ƙasa Muhammadu Buhari ya ce zai koma mahaifarsa wato Daura ta jihar Katsina da zarar ya sauka daga mulki a shekarar 2023.

Domin ya samu hutu, da kuma nesanta kansa daga matsaloli idan ya sauka daga mulkin ƙasar ranar 29 ga watan Mayun 2023.

Rahotonni sun ambato shugaban na faɗin haka ranar Lahadi lokacin da ya karɓi baƙuncin mazauna babban birnin ƙasar, waɗanda suka kai masa ziyarar gaisuwar Kirsimeti a fadarsa.

Shugaba Buhari ya kuma bayyana godiyarsa ga ‘yan ƙasar saboda yarda, da goyon baya da kuma damar da suka ba shi na jagorantarsu.

A lokacin ganawar Buhari ya tabbatar wa masu ziyarar cewa zai fi samun kwanciyar hankali a Daura.

A wani labarin na daban Shugaba Buhari ya bayyana cewa a tsawon mulkin sa ya yi kokarin ganin Najeriya ta zama abar gwaji ga wasu kasashe da kuma gyara kasa, amma har yanzu wasu sun saka shi a gama sun tsangwamar sa

Buhari ya faɗi haka a wurin taron bikin taya shi murnar zagayowar ranar haihuwar sa.

” Na yi imani ina iya bakin kokarina amma duk da haka, iyawata ba ta isa ba, wasu ƴan Najeriya na tsangwamata.

” Na ƙosa wa’adin mulki na ya xika in koma gida can Daura in maida hankali kan gonata ka-in-da-na-in. Amma kafin wannan lokacin zan ci gaba da aiki tukuru a matsayina na shugaban kasa domin tabbatar an samu ci gaba mai ɗorewa kamar yadda muka sa a gaba

Mutanen Najeriya na gani a wannan ƙarnin ba a taɓa shugaban kasa da ya samu irin goyon bayan da ƴan Najeriya suka bashi ba kamar shugaba Muhammadu Buhari.

Buhari ya kafa tarihin kada shugaban kasa mai ci a 2015. Sai dai kuma musamman a zangon sa ta biyu, mutanen Najeriya da dama na ganin ba abinda suke tunanin Buhari zai yi wa ƴan Najeriya ne ya ke yi ba.

Misalai da masu hasashe sukan yi kan haɗa da irin matsalolin rashin tsaro da ya addabi musamman yankin Arewa da kuma tsadar kayan abinci da masarufi.

Sannan kuma ga matsalolin tashin man fetur da tsadar rayuwa wanda kafin ya zu an yi tunanin Buhari zai kawo karshen ireiren wadannan matsaloli ne.

Labarai Makamanta