Likitoci Sun Bukaci Sanya Hannu A Dokar Kare Hakkin Mata

Ibrahim Ammani

Ƙungiyar likitoci masu lura da lafiyar mata ta ƙasa ta buƙaci shugaban ƙasa Muhammadu Buhari da ya sanya hannu kan dokar kare lafiyar mata da jarirai.

A cewar ƙungiyar hakan zai zamo wani abin tarihi, wanda al’ummar ƙasar ba za su manta da shi ba.

Shugaban ƙungiyar, Dr Habib Sadauki ne ya buƙaci hakan a wata ganawa da ya yi da manema labarai ranar Lahadi.

Sadauki ya ce dokar za ta taimaka wajen rage mutuwar mata masu juna-biyu da jarirai.

Ya ƙara da cewa Najeriya na daga cikin ƙasashen da har yanzu suke da mafi yawan alƙaluma na mace-macen masu ciki da kuma jarirai.

Labarai Makamanta