Iftila’i: Gobara Ta Kone Shaguna 35 A Babbar Kasuwar Kano

Wata gobara ta kone shaguna akalla 35 bangaren ‘yan nama dake  kasuwar Kurmi a jihar  Kano.

Mai magana da yawun hukumar kashe gobara a jihar Kano, Saidu Mohammed, ya bayyana haka a lokacin yake magana da manema labarai  a Kano.

Ya ce da  misalin karfe 4:56 na safe ne,  wani mutum mai suna Ado Musa, ya kira sanar da hukumar cewar gobara ta tashi a kasuwar, amma  nan da nan jami’an hukumar kashe gobara, suka  isa wajen  da misalin karfe 5:03 domin hana wutar gobarar yaduwa zuwa sauran shaguna.

Mohammed, ya ba ‘yan kasuwar shawara su lura da kiyaye wa wajen amfani da duk wasu kayayyaki da kan iya haddasa gobara domin gudun sake samun afkuwar irin wannan hatsari.

Related posts