e-Naira Karkashin Bizi Mobile, Kama, FMB Ya Samu Karbuwa A Borno

A ci gaban su na samarwa da Matasan Jihar Borno ayyukan yi, Gwamnatin Jihar Borno karkashin jagorancin Farfesa Babagana Zulum, da hadin gwiwar kamfanin hada hadar kudi irin na zama ni, wato Bizi Mobile Cashless Consultant limited, da kamfanin Kama Integrated Services limited da kuma BRMFB, sun kara horar da Matasan Yankin Jihar Borno ta Arewa da ta Yamma har su kimanin 200 harkar Agency Banking da kuma basu horo na musamman akan shirin Babban bankin kasa (CBN) akan harkar e-Naira.

Taron horarwar na musamman wanda aka shirya shi na yini biyu, ya gudana ne a Karamar hukumar Biu dake Jihar Borno.

Taron horarwar wanda ya sami halartar wakilin Gwamnan Jihar borno Farfesa Babagana Umara Zulum, wanda kwamishan Matasa da samar da ayyukan yi na Jihar borno, Honarable Sa Inna Buba ya walkita.

Sauran Manyan bakin sun hada da, Wakiliyar Shugaban Karamar hukumar Biu, wanda Sakatariyar Karamar hukumar Biu, Hajiya Larai Magira ta wakilta, sai kuma SA Youths Enpowment na Gwamnan Borno Hajiya Aisha, da kuma bChairman na masu harkar POS na Karamar hukumar Biu, Gwani Makeri, Daraktan kamfanin Bizi Mobile, Dakta Aminu Bizi, Shugaban Kama Integrated Services limited, Kalli Zanna Gambo, da Prof. Bello Alhaji Ibrahim
MD/CEO BRMFB LTD.

A yayin da yake nasa jawabin a madadin Gwamnatin Jihar borno, Kwamishinan Matasa da Samar da ayyukan yi, Honarable Sa Inna Buba, ya bayyana cewa, Gwamnatin Jihar Borno karkashin jagorancin hazikin gwamna, Farfesa Babagana Umara Zulum, ya bayar da umurnin a dauki Matasa har 200 wadanda suka fito daga kananan hukumomin Borno ta Arewa da kuma Borno ta Yamma, domin a horar da su akan abin da ya shafi harkar POS, Agency banking da kuma shirin Babban bankin kasa CBN na e-Naira.

Kwamishinan Matasa da Samar da ayyukan yi Honarable Sa Inna Buba, ya kara da bayyana cewa, tun da a halin yanzu harkar tsaro ya inga a Jihar Borno, Gwamnatin Jihar Borno ba zatayi kasa a gwiwa ba, wajen ganin ta ci gaba da samar da dinbin Matasan Jihar ayyukan yi wanda zasu dogara da kansu.

ya jinjina ma kamfanin Bizi Mobile, bankin Micro, da kamfanin Kama Integrated services limited a bisa Namijin kokarinsu na ganin sun ci gaba da hada gwiwa da Gwamnatin Jihar Borno karkashin jagorancin Farfesa Babagana Umara Zulum domin ci gaba da inganta rayuwa Matasan Jihar Borno baki daya.

A yayin da yake nasa jawabin, Shugaban Karamar hukumar Biu, wanda Sakatariyar Karamar hukumar ta wakilta, Hajiya Larai Magira, ta godewa Gwamnan Jihar Borno Farfesa Babagana Umara Zulum a bisa yadda ya jajirce wajen ganin ba’a bar Matasan Jihar Borno a baya ba.

A cewar ta, Gwamnatin Jihar Borno karkashin jagorancin Farfesa Babagana Umara Zulum ya fi kowanne Gwamnan dake kasar nan son inganta rayuwar Matasa da samar masu da ayyukan yi.

Hajiya Larai Magira, ta ja hankalin Matasan Karamar hukumar Biu da su kasance jakadu na gari a lokacin da suke daukar horarwar da kuma bayan taron. Ta ce, ya zama wajibi ga Matasan da su rungumi wannan sana’ar da suka koya domin ganin sun zama abin alfahari a cikin al’umma, saboda lokacin dogaro jira aiki daga gwamnati ya wuce.

Sannan tayi kira ga Dalibai da a halin yanzu suke zaune a gida a dalilin yajin aikin da Malaman jami’a ke gudanawar a halin yanzu. Da cewa, ga dama ta samu a gare su domin ganin sun rungumi wannan shiri na e-Naira Babban bankin kasa CBN ya zo masu da shi, domin ganin sun mayar da shi babban sana’ar da zasu ci gaba da dogaro da shi a yayin da suke zaune a gida da kuma bayan sun koma karatu. Domin a cewar ta, zaman gida babu karatu ko aiki na iya jefa rayuwar su a cikin hatsarin gaske.

Shima a nasa jawabin a wajen taron horarwar, Shugaban Rukunonin Kamfanin Bizi Mobile Cashless Consultant limited, Dakta Aminu Bizi ya jinjina ma Gwamnatin Jihar Borno karkashin jagorancin Farfesa Babagana Umara Zulum a bisa Namijin kokarinsa ta yadda yake inganta rayuwar Matasan Jihar Borno. A cewar Dakta Aminu Bizi, ya zama wajibi a yaba ma Gwamnatin Jihar Borno, kuma a shirye kamfanin sa yake ya ci gaba da hada gwiwa da Gwamnatin Jihar Borno domin ci gaba da samarwa Matasan Jihar Borno da dinbin ayyukan yi.

Dakta Aminu Bizi ya kara da bayyana cewa, saboda hazakar da kamfanin Bizi Mobile ke da shi, Babban bankin kasa na (CBN) ya baiwa kamfaninsa ragamar horar da Matasa akan duk wani abu da ya shafi harkar Agency Banking, shirin e-Naira da dai sauran abin da ya shafi hada hadar kudi irin na zamani.

Dakta Aminu Bizi ya bayyana cewa, a karkashin shirin e-Naira na Babban bankin kasa (CBN) a halin yanzu kamfaninsa ya horar da kuma samarwa da Matasa sama dubu 100,000 ayyukan yi a fadin kasar nan baki daya. Kuma a cewarsa, kamin nan da karshen wannan shakerar, kamfaninsa na Bizi Mobile zai horar da kuma samarwa da sama da Matasan kasar 200,000 ayyukan yi akan abin da ya shafi Agency banking da kuma shirin e-Naira.

A yayin da suke zantawa da wakilinmu, Matasan sun nuna godiyarsu ga Gwamnatin Jihar borno, da Karamar hukumar Biu, da duk wadanda suka shirya taro horarwar akan yadda zasu dogara da kansu.

Matasan, sun nuna dinbin godiyar su ga Gwamnatin Jihar Borno karkashin jagorancin Farfesa Babagana Umara Zulum a bisa yadda ya basu dama domin ganin sun sami aikin da zasu dogara da kansu, saboda a cewar Matasan, da dama daga cikin su, sun jima da kammala karatun digiri amma babu aikin yi a gare su.

Labarai Makamanta