Da Ɗumi-Ɗumi: An Shiga Taron Gaggawa Tsakanin Shugabannin Tsaro Da Majalisa


Rahotanni daga babban birnin tarayya Abuja na bayyana cewar Shugabannin tsaron da ‘yan Majalisar Dattawa sun shiga cikin wata tattaunawar gaggawa ta sirri.

Hafsoshin tsaron na amsa gayyatar ‘yan majalisar ce domin bayyana musu halin da ake ciki game da taɓarɓarewar tsaro a faɗin ƙasar.

Babban Hafsan Tsaro, Manjo Janar Leo Irabor ne ya jagoranci hafsoshin tsaron zuwa majalisar, inda Shugaban Majalisa Ahmad Lawan ya karɓe su.

Sauran jamia’n da ke amsa gayyatar sun haɗa da da shugaban hukumar tattara bayanan sirri ta NIA da kuma na ‘yan sandan DSS.

Bayan Sanata Ahmad Lawan ya gode musu bisa ayyukan kare tsaron ƙasa a madadin majalisar sai suka shiga tattaunawar sirri da misalin ƙarfe 11:21.

Muna tafe da ƙarin bayani da zarar mun samu.

Labarai Makamanta