Borno: Malaman Makaranta Za Su Dara

Rahotanni daga Maiduguri babban birnin Jihar Borno na bayyana cewar Gwamnan jihar Farfesa Babagana Umara Zulum ya yi alkawarin cewa zai fara biyan naira 30,000 ga malaman makaranta a matsayin mafi ƙarancin albashi.

Hakan na ƙunshe ne a wata sanarwa da mai taimaka wa gwamnan kan yaɗa labarai Isa Gusau ya fitar ranar Talata.

Sanarwar ta ce a yanzu haka wasu malaman albashinsu bai gaza naira 11,000 ba sakamakon ayyukan malaman bogi.

Zulum ya fadi hakan ne a ranar Litinin a yayin da yake ƙaddamar da kwamitin hukumar ilimi a matakin farko ta jihar.

Gwamnan ya ce “daya daga cikin manyan matsalolin harkar ilimin firamare a Borno a yau ita ce kula da walwalar malamai. Abin takaici ne a ce har yanzu akwai masu karbar naira 13,000 ko 11,000 a matsayin albashi.

“Ina so na tabbatar da cewa duk da kalubalen da ake fama da shi na tattalin arziki, muna aiki don ganin cewa kowane malami da ya cancanta a Borno yana karbar naira 30,000 a matsayin mafi karancin albashi.”

Labarai Makamanta