A Shirye Nake In Ajiye Muƙamina – Shugaban EFCC

Shugaban hukumar EFCC mai yaki da masu yi wa tattalin arzikin Najeriya zagon-kasa, ya yi magana game da abin da zai sa shi ya bar kujerar da yake.

Daily Trust ta rahoto cewa Mista Abdulrasheed Bawa ya sha alwashin yin murabus daga shugaban EFCC idan aka bukaci ya yi abin daa ya saba doka.

Da aka yi hira da Abdulrasheed Bawa a wani shiri a gidan talabijin na NTA na kasa, ya bayyana cewa zai bi doka wajen duk aikin da zai yi a kujerarsa ta EFCC.

Bawa ya ce yaki da rashin gaskiya nauyi ne da bai kamata a bar wa jami’an hukumar EFCC kadai ba.

Sabon shugaban na hukumar ya yi kira ga al’umma su daina ganin darajar bata-gari da mutane marasa gaskiya da su ka samu arziki ta hanyoyin da ba su dace ba.

Labarai Makamanta